Haus Oberösterreich: Kino

Grias Di auf unserer Webseitn!

Wir san da Student'nverein vom Haus Oberösterreich

Wenn du dir a wengl schwer tu'st mit'n lesen kannst unten auch auf Hochdeutsch umstellen, goi.

 

Nochdem'st scho do bist, kaun ma moi davon ausgeh dass't a Doch übern Kopf brauchst. Wennst oiso nur mehr noch de Aunmeldeformulare suach'st ... bitt sche!

Bevor i da jetzd dazö wos ma ois fia supa sochn haum, nur dass kloa is, ma muas ka Oberösterreicher sei dass't bei uns eiziagn deafst. I zöh's nur gach auf, wennst mehr dazua wissn mogst, schau am besten moi oben ind'n Tab Aungebot. Oiso, wir haum an Fitnessraum, an Turnsoi mid Tischtennistisch, a Infrarotkabin, an großen Lernraum, an klan Gruppnlernraum, an Werkraum zum bastln und moina, 2 Musikrâm, an Clubraum - do gibt's a in Kaffee, a Wohnzimma mid Wuzzla und Fernseha, a Heimkino und an Billardtisch. Dass a Woschkuchi gibt, Gemeinschoftsküchn, an Lift, Fohrradlkäfig und a Haund foi Parkplätz is eh klor.

Jetzt frog'st di vielleicht, Student'nverein...warum mochts ihr Werbung...g'hert des Haus eich? Na natürlich ned. G'hern duat's da WIST (klick oben auf "a Student'nheim da WIST OÖ") owa schau, der Verein is scho a wengl wos b'sunders und für des woin ma a schaun dass neiche Leid eiziagn de wos des daugt und vielleicht midhöfn woin.

Da Verein, meiner Meinung noch da beste Grund warum'st zu uns kema soist - gern a moi zu an Festl auf Besuch - wir mochn sehr vü söwa im Haus, bestimman unsare eigene Hausordnung, mochn unsare Festl'n. De Sochn wos i da grod aufzöht hob wos ma haum, do ghert hoid a füh uns, oiso in Verein, und des wird a vo uns verwoitet. Wir schaun sowa dass ois rennt, wenn wos hi is richtn wir des, wenn ma wos neichs woin schaun wir uns drum um. Studentische Söbstverwoitung wie's hoid sei soi! Und des geht ois nur weil ma an haufn Leid haum de do midhöfn, aupockan und a Freid dabei haum.

Oiso du wirst scho gmerkt hom, bei uns duat si wos. Fad im Zimma hockn is ned, außer des zaht di - zwinga dua i di a ned, ma lernt schnö wen kenna und des is guad so. A Studentenheim soid jo genau für des do sei, ma lernt Leid kenna, hod a Gaudi, hüft si gegenseitig, hod wen zu dem ma geh kau.

Ajo und nur so nebnbei, wir san Mittn im 7. Bezirk, a schene Gegnd, in 4 Minutn bist auf da Mahü (oiso U3), TU und Hauptuni san die Hauptgebäude in 15 Minuten erreichboar, einfoch a traum Log. Und des beste drau, es is echt günstig bei uns z'wohna.

Wennst nu Frogn host schreib uns a Email (untn im Impressum findest des), wennst owa a Frog zum eiziagn host oder ob wos frei is, schreib bitte glei aun'd WIST weil des moch ma nu ned söwa. Bis boid daun!

Facebook